Wollhaarmammut

Wullehoormammut
Skelettrekonstrukzion vom ene Wullehoormammut im Südostbayrische Naturkund- und Mammut-Museum Siegsdorf, Bayre
Zitruum
Mittelpleistozän bis Holozän
öbbe 800.000 bis 4.000 Jahre
Fundort
nördligs Öirasie Nordamerika
Systematik
Underchlass: Hööcheri Süüger (Eutheria) Überordnig: Afrotheria Ordnig: Rüsseldier (Proboscidea) Familie: Elifante (Elephantidae) Gattig: Mammut (Mammuthus) Art: Wullehoormammut
Wüsseschaftlige Name
Mammuthus primigenius
Blumenbach, 1799

S Wullehoormammut, au Wullemammut oder Fällmammut (Mammuthus primigenius), isch en usgstorbnigi Art us dr Familie vo de Elifante. Die Art vo de Mammut het sich im Übergang vom Altpleistozän zum Mittelpleistozän vor öbbe 800'000 bis 600'000 Joor in Sibirie entwigglet und het die chaltzitlige Steppe im nördlige Öirasie und Nordamerika bsiidlet. Es isch die letschti Art in dr plio- und pleistozäne Entwigglig vo de Mammut. Am Ändi vom Pleistozän isch s Wullehoormammut in groosse Däil vo sim Verbräitigsgebiet usgstorbe, het aber regional in e baar Rästpopulazione bis ins middlere Holozän (1800 v. d. Z.) überläbt.